足智彩球賽編號：FB7391飛燕諾 VS AC米蘭Now638周四凌晨4:00直播推介：主客和客勝
AC米蘭的荷蘭中場雷恩達斯今季表現大躍進，是球隊的聯賽首席射手，同時在歐聯已累積3球，今晚淘汰圈附加賽首回合回鄉出戰飛燕諾，可望在江東父老面前立威。再者，紅黑軍團在冬季轉會窗從今場對手飛燕諾簽入其攻擊核心辛迪亞高基文尼斯，此子今仗倒戈可望有好表現，一於直取主客和客勝。
上季登陸意甲但表現平平的荷蘭國腳雷恩達斯，今季大爆發，在中場助攻助守，亦經常後上取得入球，現時於聯賽已經累積7球，不但是意甲入
足智彩球賽編號：FB7390些路迪 VS 拜仁慕尼黑Now643周四凌晨4:00直播推介：半場入球大細[1.5球]大
些路迪因實力平平，近年極少晉級歐聯淘汰賽，今屆能夠躋身附加賽，只因聯賽階段4場主場正好碰上實力不濟的對手而收穫全勝，今晚首回合面對豪門級的拜仁慕尼黑只望輸少當贏。拜仁各賽事4連勝共入12球火力強勁，既然入球大細最少開三球半，代表預計入球多，不如求好分頭捧半場大盤。
今晚英超補賽「默西賽德郡打吡」，愛華頓主場硬撼榜首利物浦。「紅軍」雖然喺聯賽遙遙領先，但今場係葛迪遜公園球場最後1次上演「默郡打吡」，「拖肥」必定搏甩髀，加上佢哋自莫耶斯回巢後成績扶搖直上，近年主場踢打吡亦不落下風，讓球主客和竟然受讓2球，一於撐愛華頓讓球主勝「+2」。（Now 621周四凌晨3時30分直播）今場原本喺上年12月頭舉行，但因風暴來襲宣布延期，直至今晚先補番。老帥莫耶斯果然有「拖肥說明書」，自年頭回巢後成班波醒番晒，近4次聯賽領軍獲3勝1負。「莫天才」深知護級大過天，日前喺英足盃對般尼茅夫明顯Hea住踢，最終淨吞兩蛋出局，擺明留力對付「紅軍」。查實「拖肥」主場踢打吡相當醒神，近7次喺葛迪遜公園鬥利物浦，只係輸過1次咁大把，加上球會下季會搬去新球場，今場亦係最後1次於葛迪遜公園球場上演嘅「默郡打吡」，球員戰意唔使懷疑。利物浦硬仗連場未必去盡咁啱得咁蹺，利物浦同樣喺日前英足盃出局，不過係輸畀英冠包尾嘅普利茅夫，4冠夢碎。話就話派副選出擊，但咁樣輸波都幾肉酸，仲有後衞祖高美斯早段傷出，可謂損兵折將。睇番「紅軍」14日內要踢5場聯賽，今場之後仲要撼阿士東維拉、曼城及紐卡素等硬嘢，主帥施洛都要諗點樣留放，預計穆罕默德沙拿、華基爾雲迪積克等主力今仗復出，就算贏到都係點到即止，讓球主客和其中一項利物浦讓2球，如果捧愛華頓讓球主勝「+2」，即係就算輸1球都贏盤，咁筍捧得過。
今晚歐聯附加賽首回合，些路迪主場鬥拜仁慕尼黑。些路迪整體實力唔及對手，但為求晉級，主場都要豁出去博一博，否則次回合作客更難踢。呢支蘇超班霸近4次歐聯對德甲球隊，3次總入球開4球或以上，首選中位數3.5球嘅入球大。（Now 643周四凌晨4時直播）失威踢附加賽拜仁要交代些路迪今屆歐聯夠晒娛樂性，曾以1比7慘敗於多蒙特腳下，但亦能贏另1支德甲代表RB萊比錫3比1，作客英超嘅阿士東維拉則以2比4落敗，可見佢哋即使遇上4大聯賽勁旅，唔會刻意死守，甚至無懼同對手鬥攻。事實上些路迪可以躋身附加賽，叫做超額完成，球員冇心理包袱下，隨時踢得更放。至於拜仁未能以前8位直入16強，已經顏面掃地，急需一場漂亮勝仗省番靚個招牌。呢支德甲1哥攻力唔使懷疑，前鋒哈利卡尼今季上陣28場狂入28球，單計歐聯都有6球進帳，加上穆斯亞拿及米高奧利斯等亦有數胡能力，要撕破些路迪防線易如反掌，雙方有望合演入球騷娛樂球迷。