今晚英足盃第3圈矚目大戰，阿仙奴主場火併曼聯。兩支奪得英足盃次數最多球隊各有問題，阿仙奴飽受傷病困擾，進攻走晒樣；「紅魔」亦有自知之明，客場唔敢輕舉妄動，加上近年碰頭初段都小心為上，半場和不妨再追。（Now 651周日晚11時直播）文:法達斯維阿仙奴曾14次勇奪英足盃，係奪冠次數最多球隊。不過呢支倫敦球隊受到傷病問題困擾，先有王牌布卡約沙卡重創至少要抖兩個月，代替佢嘅新星尼華尼利亦告受傷，而馬田奧迪加特、夏維斯近期因患病影響狀態，令進攻極不暢順，導致近2仗只得1和1負，其中上場英聯盃4強首回合先吃悶棍，全場23次射門兼獲11個角球，仍然食白果，最終於主場淨吞紐卡素兩蛋，想反勝出線難度超高，亦嚴重打擊信心，對今場英足盃發揮必構成影響。曼聯遇強先求穩守另邊廂，衞冕嘅曼聯亦曾13次稱霸英足盃，自從新帥魯賓艾摩廉上任後，表現非常飄忽，既曾經歷4連敗，但亦能作客擊敗曼城，上場聯賽造訪榜首利物浦，將士用命下逼和2比2，大踢爭氣波，可見「紅魔」遇強踢穩守突擊，效果立竿見影。曼聯今場再次作客另一支強隊阿仙奴，一定縮後先求不失，謀定而後動。翻查紀錄，雙方近4次正式賽事交手，有3次開半場和，包括上年12月艾摩廉上任冇耐作客阿仙奴輸0比2之役，半場打和0比0，為爭冠兩軍小心為上，半場和值得捧場。
今晚英足盃爆發「仙魔戰」，阿仙奴主場硬撼曼聯。累計捧走英足盃次數最多球隊嘅「兵工廠」，同衞冕嘅曼聯交鋒，話題十足，加上英足盃賽場一場過冇仇報，今場必定鬥得難分難解。文:謝德謙阿仙奴近況略見回落，先於聯賽作客1比1打和白禮頓，繼而英聯盃首回合0比2不敵紐卡素，主帥阿迪達賽後批評比賽用個波令球隊輸波，相信佢近期壓力都唔細。「兵工廠」今晚面對宿敵，相信前線繼續倚重夏維斯、李安度杜沙特及加比爾馬天尼利呢個進攻組合，務求重溫上月聯賽交手以2比0擊敗「紅魔」嘅好夢。紅魔要嚴防死球曼聯上周聯賽大踢爭氣波，作客2比2打和利物浦，令唔少球迷跌眼鏡，若然唔係哈利馬古尼完場前錯失良機，更有可能袋晒3分。主帥魯賓艾摩廉深知球隊今季目標放喺盃賽身上，今場必定落足柯打，叫球員「波到人到」，以免畀對手太多空位。新星阿密特迪亞路剛續約加薪，相信今場亦會大踢「身價波」。此外艾摩廉亦要特別留意阿仙奴嘅死球戰術，叫球員做好死球防守，比賽大有機會陷入拉鋸，要鍊到加時絕不出奇。
聽聽聽聽西超盃勢成入球大戰
聽聽聽聽巴塞羅那及皇家馬德里兩支永恆宿敵，在今屆西超盃四強各自淘汰對手，再次會師決賽一爭高下。
聽聽聽聽歇冬短休過後，巴塞似乎重拾佳態，上仗慨贈畢爾包兩蛋，更表明自己將於二五年強勢回歸。至於困擾巴塞多時的奧莫註冊問題，此刻亦已得到解決，今仗將合資格被派上陣，陣容齊整更有利爭標。對巴塞而言今仗還有心理優勢，十月尾上演的首回合國家打吡，作客班拿貝球場大派四隻光蛋，有此佳績在手加上狀態上升，巴塞贏面不低。
聽聽聽聽皇家馬德里上仗三球淘汰馬略卡，不過賽後傳出比寧咸及華維