今屆西超盃繼續移師沙特阿拉伯舉行，首場4強由畢爾包對「地上最強」巴塞隆拿，上屆西班牙盃冠軍畢爾包狀態大勇，各項賽事近15場不敗，包括上月聯賽贏皇家馬德里。反觀巴塞隆拿近期水準下滑，冇本錢讓波，畢爾包讓球主勝抵玩。（周四凌晨3時開賽）西超盃近年已成為「搵錢盃」，由2020年開始改為4隊爭逐，採取淘汰賽制度。除咗2021年留喺西班牙踢之外，其餘都移師沙特阿拉伯舉行，今屆4支參賽球隊包括皇馬、巴塞隆拿、畢爾包、馬略卡。近15戰10勝5和論今季整體表現，畢爾包不亞於兩大爭標熱門皇馬及巴塞，呢支巴斯克地區球隊，現時排西甲第4位，僅少巴塞2分，並且水準非常穩定，自上年10月初西甲不敵基羅納後，近3個月合共15場比賽法定時間不敗，錄得10勝5和，代表作一定係聯賽以2比1擊敗皇馬，今仗遇上狀態走下坡嘅巴塞隆拿，贏面都唔細。至於巴塞隆拿已無復季初之勇，近3場聯賽只有1和2負，上場西班牙盃可以大勝4球，皆因對手只係丁組仔巴爾巴斯特羅，不宜作準。加上巴塞重心始終放喺西甲及歐聯爭標，踢西超盃戰意成疑，例如上屆決賽以1比4大敗於宿敵皇馬腳下，教練費歷克今場隨時輪換陣容都唔出奇。再睇埋巴塞隆拿近3次對畢爾包，法定時間只有1勝2和，並冇明顯優勢，畢爾包受讓比較值博。
多間英國媒體周三不約而同報導，韋斯咸將會辭退上任僅半年的領隊路柏泰基，由前車路士教頭樸達接任，前者同日原本需要出席記者會，但記者僧突然被推遲，令傳聞更加可信。有趣的是，眾多球迷得知消息後「祝賀」他下台，原因是他在10月尾率隊擊敗曼聯，間接令後者領隊坦哈格下台，球迷失去了話題和樂趣。
包括《每日郵報》、《天空體育》和《The Athletic UK》在內多間英國媒體周三報導，韋斯咸已決定辭退今夏才上任的西班牙籍領隊路柏泰基，並聘請前車路士教頭樸達接手，後者首先簽約半年領軍至季尾，如果球隊成績
今晚英足盃有場第3圈「倫敦打吡」，富咸主場迎戰屈福特。雖然富咸實力明顯較高，但近期做咗「和平大使」贏唔到波，而且對親屈福特都被食住，「讓球主客和」仲要讓兩球咁多，寧捧屈福特讓球客勝。（Now 651周五凌晨3時45分直播）文:法達斯維講到硬淨，富咸喺英超算係數一數二，單計近8場未輸過，連阿仙奴、利物浦同車路士等勁旅都要失分畀佢哋，唔講得笑。不過要留意，呢8場裏面，富咸只係贏過白禮頓同車仔，其餘6場全部打和，對住修咸頓及葉士域治等弱旅都贏唔到，似乎係遇強愈強、遇弱愈弱。何況富咸最大目標喺聯賽力爭上游，今場英足盃隨時作輪換，唔排除收起魯爾占美尼斯及伊禾比等主力，實力或受影響。近年交鋒「大黃蜂」佔優另邊廂，屈福特只係英冠中游分子，近況亦都麻麻，近5場輸咗4場。不過佢哋有樣好，就係專剋富咸。雙方近4次交鋒，「大黃蜂」取得3勝1和未輸過，尤其係英足盃呢類「爆冷溫床」，較強一方如果戰意麻麻，隨時出事，加上「讓球主客和」富咸讓到兩球咁辣，屈福特就算輸1粒都贏盤，咁着數梗係捧讓球客勝。
紐卡素延續超強氣勢！在周二的英格蘭聯賽盃準決賽首回合比賽，作客以2：0力挫阿仙奴，其中，伊沙克入球停不了，有1球進帳，另一個入球也有功勞，近9仗入10球，累計共為紐記入50球，狀態大勇，紐記取得7連捷，有望闖入決賽，兵工廠則在今屆主場首嚐敗績。 紐記今戰由積及梅菲、伊沙克及哥頓組成前鋒線，槍手則由托沙特、夏維斯及馬田利尼組成攻擊線；而紐卡素在控球率（30%對70%）及射門（7次對23次）儘管都遠遠落後，但球隊的快速突擊卻極具威脅，能把握入球機會，從其4次中龍高於對手的3次便可見一斑；其實，兵工廠表現不差，有許多入球機會，比紐卡素更多，但卻未能把握，以致繼首循環聯賽後再不敵對手。 甫開賽，兩隊都有不少入球機會，客軍的祖連頓及東拿利射門均高出，而主隊的夏維斯的射門及添巴的頭槌攻門則分別被對方門將杜貝利基救出及高出。到29分鐘，阿仙奴有開紀錄黃金機會，馬田利尼推至右禁區邊勁射，但卻竟中柱。於37分鐘，紐記打開紀錄，杜貝利基開出罰球，博文頂前，積及梅菲再傳交伊沙克近門射入。在完半場前，兵工廠有追平機會，但馬加希斯的近射又被杜貝利基擋出，槍手半場落後1球。到下半場，兵工廠攻勢更盛，但反而在6分鐘再失守，伊沙克右輔位抽射，對方門將拉耶擋出不遠，哥頓「執死雞」射入空門。落後至兩球的阿仙奴，雖奮力進攻，但繼續錯失入球良機，夏維斯、沙列巴及馬田利尼同失機，最終球隊只好以兩球飲恨，恐怕緣盡聯賽盃。 皇馬質高態勇打卡 西班牙超級盃周四在沙地阿拉伯吉達上演第二場準決賽，由上屆冠軍皇家馬德里與去屆西班牙盃亞軍馬略卡對壘，皇馬實力遠在馬略卡之上，對賽往績佔盡上風，近況亦對辦，今戰可望取勝晉決賽。 皇馬上屆在決賽擊敗強敵巴塞隆拿奪得冠軍，今屆肩負衛冕之責；而球隊戰鬥力自然凌駕在馬略卡之上，近8次對碰中贏6次；同時，球隊近態也對辦，近4戰全勝，現時在西甲位居榜首；加上上場對明尼拿的西班牙盃起用許多副選球員出戰，今仗將可養精蓄銳應戰，故贏波入決賽絕無難度。相反，馬略卡實力上固然有距離，同時，上場西班牙盃竟慘吞丁組球隊邦特韋德拉3蛋出局，爆出大冷門，士氣受挫，今戰面對質高態勇的皇馬，難逃一敗。其他賽事可以敲錫菲聯，博PAOK沙朗歷基賽和AEK雅典。