今日下午澳職大戰，墨爾本城主場火併西部聯。兩軍實力不相伯仲，但墨爾本城頻頻失分，相反西部聯豪取4連勝，今場有力反客為主，唔好拗頸捧客勝。（無綫myTV SUPER周二下午3時直播）文:法達斯維
依家澳職第3至第6位同得18分，其中兩隊就係墨爾本城同西部聯，可想而知大家實力接近。不過墨城近期頻頻失分，近4場3度打和，仲要係領先下被追和，直到上仗先擊敗威靈頓鳳凰。
墨城地頭冇威力
如果心水清嘅球迷，都應該知道墨城主場表現欠佳，開咧後4次主場出擊，贏得1場咁大把，不宜高估。
另邊廂，西部聯擺脫開季頭6輪4度落敗嘅低潮，近期連贏4場兼狂轟12粒，包括上場對住弱旅珀斯光輝諗住食硬，竟然兩度落後，好彩佢哋未有放棄，鬥到補時連省兩粒，最終反勝3比2，令士氣大振，日本柱躉中鋒指宿洋史近3仗入2球，重拾射門鞋，絕對唔赦主場不利嘅墨城，誓要打破近年畀墨城食住嘅宿命，客勝值得捧場。