歐聯上演「雙利對決」，利物浦主場迎戰利華古遜。利物浦在歐聯3戰全勝，暫時高踞積分榜第2位，今場返主場出戰利華古遜，球隊上下信心十足。利華古遜主帥沙比阿朗素首次以教練身份倒戈「紅軍」，相信會以防守性踢法應戰，加上球隊近4次歐洲賽對英超球隊全開2球或以下，吼實3.5球入球細。（Now 643周三凌晨4時直播）
利物浦除咗歐聯表現出色，喺本土賽亦展現強勢，上周在英聯盃及英超雙殺「海鷗」白禮頓，喺英聯盃打入8強，英超亦重登榜首，尤其上場2比1反勝白禮頓夠晒精彩，穆罕默德沙拿攻入奠勝一球更加靚到絕，佢今季為球隊累積9入球7助攻，預期今場會繼續有好表現。
歐戰對英超兵例少士哥
利華古遜喺歐聯頭3輪亦取得2勝1和，表現唔差過利物浦，不過佢哋近期喺德甲走勢回落，暫時排第4，上場聯賽主場同史特加悶和0比0，各項賽事近8場有5場打和，可見韌力十足，今場摸和利物浦都唔奇，加上球隊喺歐洲賽對英超球隊慣性少波入，入球細係最佳選擇。文:邪神