足智彩球賽編號：FB7239卡利亞里 VS 帕爾馬HOY 76台今晚10:00直播推介：讓球主客和[-1]主勝
小島球隊卡利亞里上場負於拉素時，跟對手打得有來有往，表現不俗，大前仗於主場面對下游的萊切仍贏來清風送爽，大勝對手4:1，今場對同為下游的帕爾馬。帕爾馬近5場作客1和4負，上仗更在主場1:3負於萊切，計落主勝或讓球「主勝」皆極穩，進取點當然要讓球主客和讓一球「主勝」。
足智彩球賽編號：FB7242拉素 VS 蒙沙香港時間今晚10:00開賽推介：波膽3:0/4:0
拉素現時在爭逐意甲前四的形勢仍略佔優勢，加上在歐霸盃以首名晉級，今晚在奧林匹高主場對榜尾的蒙沙能全力爭勝，有望大勝一場，以其主場場均入2球的攻力，今場可入3球或以上。對手蒙沙在一月賣走隊中球員，一味靠借，已疊埋心水等降班，博波膽3:0/4:0最佳機會。
今晚英足盃第4圈壓軸好戲，阿士東維拉主場對熱刺。維拉今季歐聯直入16強有驚喜，冬季轉會窗由曼聯借得拉舒福特，以及簽入唐耶爾馬倫等多位新兵，野心唔細，近4場主場3勝1負亦有保證；反觀熱刺傷兵太多，剛剛喺英聯盃大敗利物浦腳下元氣未復，主勝係最佳選擇。（Now 651周一凌晨1時35分直播）文:邪神維拉今季時隔多年重返歐聯，多線出擊下表現唔算穩定，舊年10月至12月期間曾經歷8場不勝低潮，好彩近期已經回穩，聯賽暫時排第8，歐聯亦直入16強，以佢哋有限人腳能夠做到呢個程度，可謂超額完成。冬窗瘋狂增兵實力升呢不過維拉野心明顯唔細，今個冬窗多多動作，高價出售祖漢杜蘭套現後，羅致唐耶爾馬倫、馬高阿辛斯奧同拉舒福特，聯同原有嘅奧尼屈堅斯及里安拜尼等，進攻陣容全面「升呢」，有足夠兵力兼顧英足盃戰線，領隊艾美利今場會派出全新豪華陣容出擊，令人期待。熱刺今季飽受傷兵困擾，聯賽排14位令人失望，上周中英聯盃4強次回合淨吞利物浦4蛋出局，全場5次射門0中框，對一支以進攻戰術主導嘅球隊嚟講，係一次毀滅性打擊，全隊上下想短時間內重新振作，談何容易。加上再有李察利臣喺上場受傷，現時傷兵人數多達10人，冬窗期間雖然簽入馬菲斯泰爾同奇雲丹素，但未必幫到好多，新門將堅斯基表現亦唔算穩陣，哀兵上陣恐怕凶多吉少。