西甲重開上演獨腳戲，華倫西亞主場迎戰皇家馬德里。「蝙蝠軍團」近4場未贏過，西甲排名墊底，不過主場有一定戰鬥力，「銀河艦隊」近況同樣時好時壞，攻力強但後防多甩漏，近6場全開3球或以上，揀2.5球入球大最明智。（Now 632周六凌晨4時直播）文:邪神皇馬現時落後榜首馬體會1分排第2，佢哋今季表現飄忽，不過淨係講攻力仍然係頂級，聯賽18場攻入41球，基利安麥巴比同雲尼斯奧斯祖利亞各有10球及8球進帳，祖迪比寧咸亦累積攻入6球，不過球隊近期後防表現就強差人意，近4場失7球，包括作客華歷簡奴踢成3比3，佢哋幾位後防長期傷兵艾達米列達奧同阿拉巴仲未出得，所以今場客W唔係咁穩陣。「蝙蝠軍團」主場搵食豁出去華倫西亞今季戰績低落，現時17戰僅得12分排榜末，需要搶分護級，今場仲有中場比比路停賽，而且傷兵一大籮，形勢都幾惡劣，佢哋護級唯一憑藉就係主場賽事，包括早前主場贏貝迪斯4比2，上場主場同艾拉維斯打和2比2，近4次主場3次開4球或以上，今場對住勁旅皇馬，相信佢哋會豁出去喪攻，把握皇馬防線弱點盡量爭取入球，隨時合演入球騷。
足智彩球賽編號：FB5784祖雲達斯 VS AC米蘭HOY 76台周六凌晨3:00直播推介：和
AC米蘭周一委任沙治奧干斯卡奧為新教頭，在新帥蜜月期帶動下，加上球隊今季每逢大戰都打高一班波，今晚意大利盃4強在沙特阿拉伯中立場鬥祖雲達斯，可望於法定時間保持不敗。再者AC米蘭又有中場指揮官尤索夫科芬拿穿針引線，無懼在關鍵時刻例牌腳軟的老婦人，3.05倍的和局值得捧場。
對上5場意甲僅得2勝2和1負的AC米蘭，已落後榜首阿特蘭大14分，球會終於決定辭退庸帥方錫卡，並於周一委任前波圖教練沙治奧干斯卡
兩支澳職下游球隊對碰，布里斯班獅吼對中岸水手。雖然話兩隊都喺積分榜下半版，但包尾嘅獅吼開咧至今尚未取得勝仗，落後水手9分，實力同狀態都有一定差距，加上水手近6次對獅吼贏5次，今場仲有得受讓平半，下盤極抵玩。（無綫82台周五下午4時35分直播）文:渡邊年布里斯班獅吼今季澳職仲未開齋，9戰2和7負只得2分，近兩場均未能取得入球，而且對手仲要係下游嘅西部聯同珀斯光輝，最大問題係佢哋後防唔穩陣，9場失22球，從未有1場可以保持清白之身，主場出擊亦不宜睇得太高。中岸水手係上季常規賽同季後賽雙料冠軍，現時只排第10，表現確實不似預期，不過澳職經常都出現類似情況，2018/19年球季冠軍嘅珀斯光輝，同2022/23年球季盟主墨爾本城，跟住嗰季季初都突然跌Watt，但經過季中調整，都可殺入季後賽。鬥包尾大幡反彈好時機水手近況未如理想，對上4場只得2和2負，不過對手分別係現時嘅澳職三甲奧克蘭FC、FC麥克阿瑟、阿德萊德聯及第5名墨爾本城，戰績唔好可以話情有可原，今場對住包尾大幡獅吼，係反彈好時機，今場仲有得受讓，下盤必捧。
今晚喺中立場沙特阿拉伯，繼續上演另一場意超盃4強戰，由祖雲達斯硬撼ＡＣ米蘭。A米剛有新帥干斯卡奧接手，首度領軍即刻對住囝囝法蘭斯高干斯卡奧效力嘅祖記，話題十足，兩軍近況都麻麻，預計會踢穩陣波，2.5球細盤係不二之選。（HOY TV 76台周六凌晨3時直播）文:法達斯維囝囝法蘭斯高係祖記新星A米今季表現欠佳，啱啱怒炒今夏先至上任嘅主帥方辛卡，請來干斯卡奧救火。查實干斯卡奧對意甲絕不陌生，球員時代曾效力過拉素、國際米蘭同帕爾馬，而佢執教波圖亦拎咗11座錦標，包括3次葡超冠軍。據報A米之前曾邀請過前車路士教頭沙利，可惜條件唔啱遭到拒絕，其後先請「干Sir」，似乎佢唔係球隊嘅首選，因此上任後要急於做出成績，如果捧到意超盃就真係開靚個頭。勢估唔到「干Sir」首度領軍，就要同效力祖記嘅囝囝法蘭斯高干斯卡奧正面交鋒。法蘭斯高係「斑馬軍團」新星，近期亦成日擔正，單計聯賽就上陣13次。不過祖記今季喺莫達執教下，力主傳控打法，得勢不得分嘅問題未見改善，就算聯賽仍保持不敗，卻經常和波收場，箭頭杜辛華荷域表現飄忽，令人失望。由於大家近績都麻麻，相信會踢得小心謹慎，雙方近8次交手7次開2球或以下，2.5球入球細捧得過。
阿仙奴周三在2025年首場英超聯賽，作客以3：1擊敗賓福特，取得4連捷，賽後以19戰得39分升上次席，落後榜首的利物浦6分並踢多1場，保持爭標希望，賓福特近5戰不勝，以19戰得24分仍排第十二位。 兵工廠今戰除了有沙卡繼續因傷缺陣外，夏維斯亦因患病由17歲小將尼雲尼利替代，並是首次在英超首發，與捷西斯及馬田利尼組成前鋒線，賓福特則由麥比奧莫及韋沙拍檔攻堅；槍手在控球率未能獲甜頭，兩隊同是五成，但射門（14射5中龍對5射2中龍）卻明顯佔上風，把握主隊後防失誤反勝，獲勝是合理；不過，在頭近30分鐘，阿仙奴表現欠佳，賓福特是較佳，幸而，兵工廠及時調整狀態，以致能逆轉。 同時，今戰倒戈的槍手門將拉耶表現慌失失，失球要負上一定責任，當時是13分鐘，麥比奧莫右輔位施射，皮球在近柱入網，拉耶企位有些失誤。到28分鐘，該名西班牙國腳差點再因犯錯失波，未能接牢麥比奧莫的射門，幸而在皮球完全越過白界線前及時回身拍出來球。阿仙奴不致多失，在1分鐘後即扳平，柏迪禁區外抽射，賓福特門將費歷根擋出不遠，捷西斯「執死雞」頂入，近4戰入6球，狀態極佳，半場兩隊踢成1：1平手。到下半場，兵工廠加強攻勢，在3分鐘內連入兩球反先。先是在僅5分鐘，又藉角球戰術建功，尼雲尼利開出角球，費歷根未能清脆擊出來球，造成門前混戰，最終被美連奴射入。後賓福特後防又犯錯，尼敦哥連斯頭槌解圍亦未見清脆，馬田利尼截得近門射入，最終阿仙奴以3：1反勝。 祖記鬥A米和味濃 意大利超級盃周五在沙地阿位伯利雅德進行第二場準決賽，由祖雲達斯面對AC米蘭，兩隊實力接近，和波須射12碼分高下的機會較高。 祖雲達斯及AC米蘭今屆在意甲成績只屬一般，分別排第六及八位，爭標將極為困難；其中，祖記雖然在意甲仍是唯一仍保持不敗隊伍，但因和波達11場致失分太多而落後較多；事實上，球隊近期和局亦較多，近9戰有6場和波，同時，祖記近兩次與A米交鋒也是和局終場，故今仗值得敲和波；而A米今屆在聯賽和局場次亦達6場，近3仗也有兩戰和波；無疑，球隊兩名前線主將普列錫及利亞奧受傷缺陣，對球隊攻力有一定影響，但球隊仍力足摸和無取勝把握的祖記。其他賽事可以敲皇家馬德里、士砵亭。