足智彩球賽編號：FB5798墨爾本勝利 VS 西悉尼流浪者TVB MyTV Super下午4:35直播推介： 讓球主客和[+1]客勝
墨爾本勝利於上輪澳職主場0:0賽和奧克蘭FC，聯賽連續3輪不勝錄2和1負，狀態不及同期錄得2勝1負的西悉尼流浪者。加上勝利連續兩仗交白卷，前鋒線正陷入球荒。而雙方過去4次於聯賽對壘，又有3次由客隊取勝，故今仗作客的流浪者值得被睇高一線，讓球主客和受讓一球「客勝」屬信心之選。
英超11點場有曼城主場迎戰韋斯咸。曼城去年尾贏李斯特城，總算止住跌勢，但能否重回正軌仲要睇埋今場對「錘仔幫」先知，韋斯咸遇強即屈，今季對強隊多次大敗，考慮到曼城近3次對韋斯咸總入球全開4球或以上，包括首循環作客贏3比1，中位數3.5球入球大好路。（Now 621周六晚11時直播）文:工廠仔「藍月亮」上場聯賽終於翻生，2比0贏李斯特城終止5場不勝頹勢，挪威前鋒艾寧夏蘭特亦打破4場入球荒，信心大大提升，不過後防仍然驚險百出，唔使失波純屬好彩。至於曼城係咪重上正軌仲係言之尚早，事關佢哋去年12月初亦試過3比0贏諾定咸森林，但只係曇花一現，之後成績繼續向下，至於今場能否擊敗韋斯咸仲係兩睇，主W捧唔過。錘仔幫查洛保雲重傷對曼城有利消息係，韋斯咸近日再有隊長查洛保雲重傷，戰鬥力更加薄弱，而且「錘仔幫」今季面對頂級球隊毫無招架之力，今季對阿仙奴、熱刺同兩鬥利物浦都被攻入至少4球，上場主場對利物浦就淨吞5蛋，作客曼城相信好難守得住，不過曼城後防同樣唔穩陣，所以入球大先係最佳選擇。
英超星期六早場有喪攻大戰，熱刺主場對住近況大勇嘅紐卡素，兩隊都係公認嘅實力分子，不過近期成績就差天共地。傷兵滿營嘅熱刺愈踢愈頹，普斯迪高路都無計可施，面對有「黃金中場」嘅紐卡素冇運行，客勝必捧！（Now 621及611周六晚8時30分直播）熱刺近7場聯賽只得1勝，普斯迪高路重攻輕守嘅踢法本來已經好冒險，加上一條正選防線雲迪雲、基斯甸羅美路、賓戴維斯、烏杜治同門將古里莫維卡里奧全部受傷，防線更加弱不禁風，今場仲加埋防守中場賓坦古亞停賽，基本上係中門大開。熱刺近5次聯賽主場未威過熱刺球員嘅信心已跌落谷底，就連主場威力亦蕩然無存，近5場聯賽主場不勝，創下球會近16年最差主場走勢。相反，今場對手紐卡素上場作客擊敗曼聯，各項賽事已經連贏5場，瑞典前鋒阿歷山大伊沙克近7場入8球，要撕破熱刺防線毫無難度。紐卡素坐擁黃金中場線，般奴古馬雷斯、祖連頓、辛度東拿利嘅組合，技術、體能、硬淨、創造兼備，今場如無意外可以輕鬆輾壓熱刺中場。睇番兩隊近5次聯賽交鋒，紐卡素一共取得4場勝仗，格食格味道濃厚，客勝值得捧場。
今晚英超壓軸大戰，白禮頓主場硬撼阿仙奴。雙方狀態一高一低，白禮頓頻頻和波，防守不穩係失分主因，阿仙奴自聖誕前後有「耶穌」加比爾捷西斯重拾射門鞋，連贏4場信心爆晒棚，加上近年對親「海鷗」例搶韁，隨時又先拔頭籌，不妨捧阿仙奴「第一隊入球」。（Now 621及611周日凌晨1時30分直播）要數近期跌Watt跌得最勁嘅英超球隊，一定有白禮頓份，自從上年11月尾擊敗般尼茅夫後，過去7場聯賽只得5和2負未贏過，其中6場有失波，而當中有4場係領先之下失分，防守唔穩陣係下滑關鍵。除此之外，季初有韋碧克撐住嘅鋒線，喺呢位老將因傷倦勤後亦熄晒火，無論係祖奧柏度、三笘薰、佐真尼奧魯達等冇貨賣，祖奧柏度亦連續7場食白果，真係靠唔住。面對「海鷗」例搶韁相反，阿仙奴有反彈迹象，各項賽事豪取4連勝，包括上場以3比1反勝主場特醒嘅賓福特，令士氣大振。雖然王牌布卡約沙卡重傷長抖，好彩加比爾捷西斯及時回勇，連英聯盃在內，佢近4場共入6球，粒粒關鍵腳風轉順，似乎聖誕前後對「耶穌」特別老利，再打起埋代替沙卡仔嘅新星尼華尼利，攻力未見受削。而且每逢面對「海鷗」例搶韁，近6次正面交鋒，阿仙奴有5次先入波，不妨再博呢支倫敦球隊先開紀錄。
今日澳職壓軸之戰，墨爾本勝利主場對西悉尼流浪者，「墨勝」連續3場失分，但其中2場係作客，睇番佢哋近4次主場出擊，取得3勝1和，今仗返回自己地頭，必然主攻爭取翻身。加上流浪者踢法充滿娛樂性，近4場總入球全開4球或以上，一於再追中位數3.5球嘅入球大。（無綫myTV SUPER周六下午4時35分直播）文:Mic少墨爾本勝利今季整體演出不俗，屬於爭標分子，上場作客榜首奧克蘭FC，同對方打成0比0平手，但唔代攻力弱，其實「墨勝」比賽過程創造唔少入波機會，未能取得入球，的確有些少欠運。墨爾本勝利經過連續2場作客之後，今仗有地利優勢支持，應該可以重回正軌。事實上，「墨勝」主場發揮穩定，包括以2比1擊敗第2位FC麥克阿瑟，相信要攻入西悉尼流浪者大門，並唔困難。近兩次交鋒都開7+至於西悉尼流浪者表現大起大落，早前作客阿德萊德聯，落後2球之下反勝3比2，球員鬥志頑強，上仗遇上FC麥克阿瑟，亦同對手鬥攻，僅以2比3敗陣。好消息係今季加盟嘅前曼聯中場桑馬達，上仗終於開齋入波，呢位36歲西班牙老將開始適應新環境，表現應該會愈來愈好，有助提升流浪者攻力。值得一提，兩隊近兩次交鋒，總入球都開出「7+」，各贏1次4比3，今仗碰頭有望再演入球騷。
有些人是天生不適合吃足球領隊這口飯的，朗尼應該是其中的一個。這句話在他執伯明翰教鞭時，我說過了一次，今天普利茅夫的成績，令我更加肯定這個結論。
朗尼管理下的普利茅夫，成績真的是慘不忍睹，董事局忍不住了，決定跟朗尼分手，成為新年前第一個下馬的領隊。會方想早早了斷不再浪費時間，因為總結打比郡、美職華盛頓聯隊、伯明翰，以及今季普利茅夫的工作表現，朗尼根本不具備那份扭轉劣勢的能力，或者性格，這是非常明顯的。
傳媒和球員口中的朗尼，是易相處、健談，經常跟周遭的人保持良好溝通，屬好好先生性格。但恰恰這反
踏入新一年，各地的轉會窗開放，轉會傳聞及消息已在轉會窗重開前傳出。當中有在球會失意的球員希望尋求新挑戰，亦有在球會有好表現的球員受到其他球會垂青。不過，要在季中落實得到轉會，若不是巨額轉會費，或球員與球會之間的關係完全破裂，都難以如期實現。
曼聯的拉舒福特被新帥魯賓艾摩廉棄用，離隊消息不斷傳出，有沙特阿拉伯球會以高薪挖角，亦有其他歐洲球會有興趣簽入拉舒福特。拉舒福特轉會的最大阻力是其高昂的周薪，由於他現時不想轉至沙特阿拉伯延續足球生涯，而且環顧全世界球壇，可以負擔起他人工的球會不多，若然他希
踏入2025年，筆者祝各位球迷新一年繼續睇好波，繼續開心快樂！其中曼市雙雄的球迷自然更要寄望今年能開心快樂，期望新一年球隊能夠從谷底翻生，重返爭標行列。1月來臨，代表冬季轉會市場正式重開一個月，曼市雙雄又怎樣利用這個轉會窗增兵呢？我們先從曼城說起。
填補洛迪卡斯簡迪空缺
曼城今季的滑落，明顯是從中場重臣洛迪卡斯簡迪受重傷而缺陣開始，故此防守中場就是曼城頭號需要收購的目標。在芸芸英超球隊中，有兩個最佳收購選擇，第一個就是紐卡素中場古馬雷斯。這位27歲的巴西中場，從里昂加盟後表現一直是球隊最出色
在今季的意甲，任何一隊企圖染指聯賽冠軍，唯一的假想敵就是國際米蘭，從軍容和賽程上看，最有條件偷雞的就是拿玻里了，皆因這隊南部球隊本身就是22/23球季的冠軍，而大部分奪冠主力仍然在陣，加上今季並沒有歐洲賽負擔，單線作戰下，理應佔盡優勢，可惜，現時在積分上拿玻里並沒有優勢，論失分更比國際米蘭多2分，若今季拿玻里未能拿下聯賽冠軍，絕對沒有藉口，而一向穩打穩紮的干地或許就是敗了給一個「穩」字。
今季意甲有四分三球隊換了新教練，換上干地任教決不能成為拿玻里的藉口，即使是現時前8位的球隊中，亦有6隊由