足智彩球賽編號：FB5745普利茅夫 VS 布里斯托城香港時間今晚8:30開賽推介: 讓球主客和[+1]主勝
英冠榜尾的普利茅夫現時唯一的尊嚴只建立在主場之上，該隊今季10戰主場共錄得4勝4和2負，不敗率高企，聖誕前仍可靠地利跟第6位的米杜士堡打成3:3，今場面對中游的布里斯托城仍大有機會保持不敗，尤其客隊近4次遠征只得1和3負的成績，讓球主客和受讓一球必押「主勝」。
今晚英冠上演好戲碼，侯城主場火併米杜士堡。侯城易帥後明顯有起色，近5場有3場搶到分；「米堡」作客向來有前冇後，隨時合演入球騷，2.5球大盤有計。（無綫myTV SUPER周四凌晨1時30分直播）文:法達斯維侯城之前衰過「地底泥」，一度經歷6連敗，見到都唔開胃，上年12月頭果斷換帥，請來西耶斯接手。呢位前修咸頓及雷丁教頭領軍5場成功止血，取得2勝1和2負，搶到7分，包括上場擊敗前列分子布力般流浪，令護級重現曙光，依家勢頭咁好，梗係唔會畀佢停，必定藉地利搏盡搶分。「米堡」喺曼聯名宿卡域克帶領下，一直以升英超為目標，呢班波不嬲崇尚進攻，今季踢咗24輪聯賽入咗41粒，係英冠入波第二多球隊，不過進取打法亦搞到失波唔少，今季已失咗31球，喺前10球隊中失波較多嘅一隊，成為佢哋爭取重返英超嘅絆腳石。米堡作客更進取值得一提「米堡」作客更加進取，近11輪攻入22球，作客火力屬英冠之最，同時失番17粒，正宗入得又失得，單計近7場作客，佢哋就有6次開3球或以上，今晚對住重拾信心嘅侯城，預計雙方盡情駁火，實多波入。
澳職開年第2場，西悉尼流浪者主場迎戰FC麥克阿瑟。「西悉」簽入前曼聯球星桑馬達後廣受關注，球隊近期亦步入正軌，近4場3勝1和成績冒升，而且踢法進取，近7場6次開4球或以上。FC麥克阿瑟同樣攻力強，入球數字屬澳職第3，今場多波入係必然，捧3.5球入球大。（無綫myTV SUPER周三下午3時直播）文:臻贏特睇番「西悉」近幾場排陣，雖然桑馬達都唔係正選，大部分時間到下半場先後備上陣，始終佢已經36歲，要求佢打足全場亦唔現實，但自從佢加盟後，球隊踢法變得積極，近7場6次開4球或以上，當中不乏大比數賽果如3比4、4比1、2比4，上場佢哋作客就以3比2擊敗阿德萊德聯，極富娛樂性。麥克阿瑟季前勇奪澳足盃，但開季後表現忽龍忽蟲，季初試過6比1大炒珀斯光輝，但對住榜末「魚腩」布里斯班獅吼就贏唔到，只能踢成4比4，佢哋近5場2勝3和成績尚平穩，對住近況甚佳嘅「西悉」，可謂勢均力敵，今場捧入球大之餘，不妨冷敲大比數和波波膽，可能有意外驚喜。