今晚英超尾場，葉士域治主場挑戰曼城。「藍月亮」剛宣布同艾寧夏蘭特續約，而且冬季轉會窗積極增兵，反映球隊仲有爭勝雄心。佢哋近期打法搶韁，雖然未必贏到波，但往往能夠領先上半場，以葉士域治嘅防守應該守唔住，睇好半場客勝。（Now 621及611周一凌晨零時30分直播）文:邪神經過近兩個月低潮期，「藍月亮」近期明顯復甦，上仗雖然被賓福特逼和2比2，但聖誕新年快車期間連贏李斯特城及韋斯咸，英足盃更大炒低組別球隊沙福特城8蛋，近4場有3次領先半場，球隊亦止住跌勢，暫排聯賽第6位，雖然球隊上下承認爭標機會渺茫，但至少限度爭取打入前4，嚟緊每場波肯定「快刀斬亂麻」，希望盡早領先務求全取3分。更重要一點，今場係夏蘭特續約後首場聯賽，佢決定同曼城簽下「賣身契」，為咗證明續約後唔會Hea踢，今場肯定會積極搵機會盡快入波，其餘隊友亦會全力配合。葉士域治搶攻易露空位葉士域治目前排第18位，護級可謂水深火熱，因此踢法上經常轉守為攻，希望贏波而回，近期就曾經擊敗車路士同打和富咸，今場即使面對實力頂級嘅曼城，相信亦唔會龜縮選擇駁火，希望有奇迹出現，但咁就令曼城有更多進攻空間，半場客勝機會高唱入雲。
今晚英超頭場焦點戰，曼聯主場硬撼「海鷗」白禮頓。曼聯改用穩守突擊打法雖見效，但只局限於對住主攻球隊，而且佢哋近年對親「海鷗」常被食住，今場隨時打回原形，不妨玩讓球主客和，揀白禮頓受讓1球嘅讓球客勝。（Now 622周日晚10時直播）文:法達斯維早前經歷4連敗嘅曼聯，近期先於聯賽作客逼和利物浦，再喺英足盃第3圈打少個下，全場處於劣勢仍守住1比1，最終藉互射12碼淘汰阿仙奴。由於上述對手皆屬主攻型球隊，曼聯主帥魯賓艾摩廉作出微調，讓出控球權，刻意縮後打反擊，效果立竿見影，不過若遇上同好此道嘅對手，曼聯要主攻就未必奏效，好似上周中聯賽快車主場迎戰包尾嘅修咸頓，表現極之狼狽，竟然大部分時間落後，若非靠阿密特迪亞路神來之筆，尾段「戴帽」反勝3比1，好大機會又失分，以佢哋嘅「神經刀」風格，今場唔好睇得咁高。海鷗反擊煞食隨時W埋另邊廂，白禮頓硬淨到暈，各項賽事近6場獲2勝4和，唔易被擊倒，近期祖奧柏度同老將韋碧克亦傷愈可候命，有助加強前線把握力，以三笘薰及恩古巴明泰為首嘅邊路突破，其快速反擊經常令強隊吃盡苦頭。翻查紀錄，兩軍近6次聯賽碰頭，「海鷗」竟然錄得5勝1負佳績，其中4次上半場已經取得領先優勢，可見佢哋對親曼聯特別有計，讓球主客和仲有得受讓1球咁筍，首選讓球客勝，進取啲可直取客勝。