紐卡素主場對賓福特，「喜鵲」紐卡素自知無力爭奪英超錦標，所以踢盃賽態度特別認真，希望有冠軍落袋，賓福特只係識喺主場踢波，作客表現不堪一擊，近7場客場作賽，錄得1和6負劣績，紐卡素主場可敲勝鼓，推介主勝。（周四凌晨3時45分開賽）文:臻贏特聯賽冇得爭全力踢盃賽紐卡素自沙特基金入主後，曾經殺入2023年英聯盃決賽，當時一心打破多年錦標荒，可惜最終不敵曼聯。今季「喜鵲」喺聯賽成績一般，半季過咗，相信目標都係捧盃仔同歐洲賽資格。紐卡素喺上圈以2比0擊敗上屆亞軍車路士，睇番領隊艾迪侯域嗰場嘅排陣，安東尼哥頓、阿歷山大伊沙克同辛度東拿利都在陣，誠意十足，睇得出佢哋好有心爭英聯盃，預料今場都會強陣出擊。賓福特「主場龍、作客蟲」嘅落差非常明顯，近7場作客只有1和6負，今場抽籤要作客比賽，可以話未踢已經輸咗一半，不過值得留意嘅係，佢哋輸波都多數時只係輸1粒，而紐卡素亦只係上場啱啱先贏番場，之前經歷過4場不勝，因此不宜冒險玩讓球主勝，主W熱熱哋穩陣啲。
疲兵遠征 Vs 泊大巴戰術今晚喺卡塔爾舉行嘅國際足協洲際盃王者之戰，由皇家馬德里硬撼帕丘卡。「銀河艦隊」近況麻麻兼舟車勞頓去卡塔爾比賽，難免有疲態，帕丘卡玩死守有力頂到半場，半場和值得捧場。（Now 638周四凌晨1時直播）文:法達斯維由於世冠盃改制為4年一度，擴軍至32隊下年6月先展開，令每年年尾舉行嘅舊版世冠盃，依家改名為國際足協洲際盃，首屆有6支球隊參賽，分別來自6大洲，經過一輪過關斬將後，帕丘卡將會面對直入決賽嘅皇馬。麥巴比傷愈未弗上屆歐聯盟主皇馬雖然實力超晒班，不過表現比較飄忽，各項賽事近6場僅3勝，面對華歷簡奴同畢爾包都失分而回，而其中4次開半場和，「艦隊」實在太慢熱，初段未能先發制人，今場更要遠赴亞洲，舟車勞頓難免影響體力，就算射手基利安麥巴比有隨隊，但啱啱傷愈嘅佢唔慌弗。另邊廂，中北美代表帕丘卡，喺本月中已經嚟到卡塔爾，先擊退南美冠軍保地花高，日前更藉互射12碼淘汰亞洲代表艾阿里，成功殺入決賽，比起匆匆出戰嘅皇馬，帕丘卡早已適應當地環境同做好晒準備，佢哋亦擅玩拉布，先求唔好太早失守再博偷雞，各項賽事近4場全開半場和，其中3次半場0比0，可見呢支墨超勁旅初段踢得分外保守，今場遇到更強對手，一定泊定大巴等你，初段好氣好力下應該頂得住，半場和不妨再追。
上屆冠軍國際米蘭周一在意甲聯賽大發神威，作客以6：0狂炒拉素，2024年意甲客場累計入球達47個，打破了球隊年度頂級聯賽最高紀錄，火力強勁，賽後球球隊以15戰得34分仍排第三位，追近至只是比榜首的阿特蘭大少3分但踢少1場，即是失分相同；而拉素則嚐到歷來在意甲主場最慘烈敗仗，近12場主場不敗亦告終，以16戰得31分仍居第五位。 藍黑兵團今場大戰由馬古斯杜林及拿達路馬天尼斯拍檔攻堅，拉素則由努斯連任箭頭；國米在控球率（48%對52%）雖稍為落後，但射門（12射7中龍對9射2中龍）卻佔上風；不過，拉素在上半場前半段卻取得較多攻勢，但未能把握入球機會，努斯連兩度失機，分別近射及頭槌攻門高出。國米大難不死，開始控制戰局，在完半場前4分鐘打開紀錄，傑高特犯手球被罰12碼，查漢路古主射入網。到完半場前一刻，迪馬高接應杜費斯右路傳中，左輔位窩利射入，半場藍黑兵團領先兩球。 到下半場，客軍信心更強，佔盡優勢，只是6分鐘，巴里拿禁區外射入世界波，國米3球遙遙領先，勝券在握。只是相隔兩分鐘，杜費斯頂入成4：0。其後在32分鐘，後備入替的尼維斯射成5：0。到完場前一刻，馬古斯杜林湊成6：0的紀錄完場，一掃在歐冠聯小組賽客場不敵德甲利華古遜的悶氣，而意外的是6個入球來自不同球員，反而球隊射手拿達路馬天尼斯未有入球進帳，連助攻也沒有，有些斯人獨憔悴！ 紐卡素主場可靠力足特圍 英格蘭聯賽盃周三展開半準決賽，其中一仗為紐卡素主場迎擊賓福特，兩隊實力相若，但紐記主場威力較強，面對客場差勁的賓福特，有力告捷過關。 紐卡素及賓福特在英超以16戰同得23分，分別排第十二及十一位，顯示兩隊戰鬥力之接近；今仗勝負關鍵應在主客場方面，紐記主場戰績不俗，曾力挫熱刺、車路士、阿仙奴等強隊，上場英超亦以4球大炒升班馬李斯特城，故今戰力足打敗作客差勁的賓福特晉級；而賓福特在英超成績尚算中規中矩，但要留意的是球隊主客場成績可謂判若兩隊，英超主場獲7勝1和不敗居首位，但客場竟是1和7負不勝排倒數第二，故此，即使周前於英超主場對碰時獲勝仍難被看好。其他賽事可以敲羅馬、愛斯賓奴。