今輪英超焦點賽事，曼聯主場迎戰車路士。「紅魔鬼」上輪不敵韋斯咸後跌至14位，會方怒炒坦哈格，改由助教兼昔日「禁區之王」雲尼斯達萊接手執教，要求佢哋突然變強並不現實，但球員戰意肯定唔同晒，上周中英聯盃大炒李斯特城已經證實呢點；「藍戰士」今季表現穩步上升，作客奧脫福預計會較保守，加上雙方近8次交手7次半場打和，首選半場和。（Now 621及611周一凌晨零時30分直播）如果曼聯繼續由坦哈格領軍，車路士贏面高唱入雲，就好似之前利物浦同熱刺到訪奧脫福一樣，全部都輕鬆全取3分，事關之前嘅曼聯踢法雜亂無章，逼搶唔到位兼士無鬥志，不過一切隨着坦哈格落台而唔同晒，據報雲尼斯達萊今季回巢擔任助教以來深受球員歡迎，大家都願意為呢位一代射手拚搏，曼聯表現將有所改變。「雲佬」年代嘅曼聯進攻簡單直接，埋門一腳更係佢嘅看家本領，如今「雲佬」成為看守領隊，曼聯放棄唔擅長嘅逼搶戰術，可釋放更多空間讓拉舒福特、海倫、阿歷真度加拿祖自由發揮，攻力增強，上周中聯賽盃就以5比2淘汰李斯特城，但贏波之餘仍失2粒，預計今場遇上級數更高嘅車路士，曼聯上半場唔會貿然搶攻。車路士作客謀定後動車路士在新帥馬利斯卡領軍下完成蛻變，位居前列，高爾彭馬聯賽交出7入球5助攻，狀態火熱，不過佢哋今季先後輸畀曼城同利物浦兩支爭標分子，證明仍有不足之處，今場面對有「新帥效應」嘅曼聯，初段將會靜觀其變，半場和機會更高。文:邪神
英超重頭戲曼聯主場迎戰車路士，相信球迷必定留意「紅魔」新帥人選，官方已公布新帥艾摩廉將於11月11日上任。曼聯暫由助教雲尼斯達萊出任看守領隊，上周中喺英聯盃首次領軍成功反底，以5比2大勝李斯特城，估計就算艾摩廉上任，「雲佬」仍然會擔當重要角色協助新帥，始終磨合需時。受到新帥影響下，估計一眾「紅魔鬼」為保前程，必定戰意十足，特別係今季表現低沉嘅「福仔」拉舒福特，有望被重新激活，今場面對車路士估計人腳變化不大，唯一改變相信係一班「紅魔鬼」嘅鬥志。各有優勢預計和波車路士雖然上周中喺英聯盃對紐卡素以0比2落敗，但「車仔」始終人腳充裕。主帥馬利斯卡返回聯賽必定起用今季攻入7球嘅高爾彭馬，以佢哋近期攻擊力，今場要攻入「紅魔」大門相信無難度，不過「紅魔」受到新帥快將上任嘅刺激，「車仔」要全取3分相信唔容易，估計今場大有機會握手言和。文:謝德謙
維拉近6場作客未輸過今晚英超頭場，熱刺主場硬撼阿士東維拉。熱刺今季表現極度飄忽，隊長孫興民又狀態麻麻信唔過，維拉挾近6場作客未輸過之勢，造訪北倫敦有力搶分而回，讓球主客和仲有得受讓咁筍，讓球客勝咪錯過。（Now 621及611周日晚10時直播）熱刺今季開咧後表現飄忽到暈，9場聯賽贏得4場咁大把，表現令人失望，雖然有指「孫仔」今場有機傷愈復出，但佢今季6場聯賽入得3粒，啱啱好番唔慌有態喇。雖然熱刺喺上周中英聯盃淘汰曼城，但中堅雲迪雲拉傷今場唔使預佢，令本已不穩嘅防線更加脆弱。往績佔優唔赦熱刺另邊廂，維拉上周中英聯盃意外地畀水晶宮踢出局，不過要留意佢哋起用多名副選，包括傷咗一年有多嘅中堅泰朗明斯擔正，擺明唔要呢隻盃仔。事實上，維拉喺艾美利調教後持續進步，聯賽位居前列之餘，更喺歐聯3戰全勝，各項賽事近13場僅1敗，唔講得笑。而且維拉客場特醒，近6場作客取得5勝1和，包括擊敗兩支倫敦球隊韋斯咸同富咸，加上近4次鬥熱刺錄3勝1負，絕對唔怕呢支北倫敦球隊，讓球客勝有計。文:法達斯維
上屆冠軍利華古遜上周五在德甲聯賽，於客軍門將奴拔有水準演出及欠球運下，主場遭史特加逼和0：0，連續兩場聯賽和波失分，賽後以9戰得16分續排第三位，但落後榜首的拜仁慕尼黑4分並打多1場，史特加以9戰得13分升上第七位。利華今戰由邦尼菲斯任箭頭，史特加則由安達夫及艾比拉托尼拍檔攻堅；利華在控球率（52%對48%）雖未佔明顯優勢，但射門（19射5中龍對4射1中龍）卻佔壓倒性上風；全場是控制戰局，有許多入球機會，但多次攻門都被水準表現的史特加門將奴拔救出，加上欠缺球運，兩度中楣或中柱，並有1次食「詐糊」，以致未能攻破史特加大門，痛失兩分；而球隊近5場聯賽只是贏過1仗，狀態處低潮，球隊將在周二的歐冠聯小組賽作客英超勁旅利物浦，將備受考驗。主隊甫開賽便搶攻，初段費林邦及基馬度的射門同被奴拔救出。其後，塔素巴近門頂斜。到32分鐘，費林邦吃「詐糊」，因為越位在先。完半場前4分鐘，塔素巴接應韋特斯開出角球頂中楣，到半場補時階段，利華又施展角球攻勢，今次邦尼菲斯的頭槌攻門卻被奴拔擋出，半場兩無紀錄。換邊續戰，利華續施猛攻，僅8分鐘，邦尼菲斯射中柱，及後，費林邦近頂斜出失機，而邦尼菲斯及韋特斯的射門始終未能逃過奴拔十指關，而史特加開賽後1小時竟仍未有中龍攻門，攻力疲弱，最終卻能逼和利華。熱刺主場醒力足突維英超聯賽周日安排兩場比賽，其中一仗為熱刺主場迎擊阿士東維拉，熱刺剛打破曼城今屆不敗之身，士氣高昂，加上主場成績有保證，有力擊敗維拉。熱刺在英超以9戰得13分排第八位，戰績只算一般，但球隊剛在聯賽盃第四圈主場淘汰班霸曼城，並打破對手本屆不敗之身，對提升球員士氣肯定有幫助；事實上，球隊今屆主場戰績極佳，只是不敵勁旅阿仙奴，今戰力足打敗近況回落的維拉；而以9戰得18分居第四位的維拉，成績雖較熱刺為佳，但近態卻有所回落，近兩戰不勝，上場聯賽盃第四圈更在主場遭實力平平的水晶宮擯出局，信心難免受挫，今仗造訪強勢的熱刺，恐怕凶多吉少。其他比賽值得敲布拉加、安德列治。
聽聽聽聽英超今聚焦兩場大戰
聽聽聽聽周日英超兩場矚目大戰，先有熱刺主場鬥阿士東維拉，還有曼聯迎擊車路士。
聽聽聽聽熱刺今季在聯賽未如去季同期出色，甚至可說相當不穩定，四勝一和四負僅列第八，落後今仗對手維拉達五分，單論英超近五戰已錄兩敗，分別是作客白禮頓及水晶宮。不過熱刺主場絕不失禮，各項賽事已累積五連勝，最新佳作更是將曼城從聯賽盃淘汰，氣勢之強足以震懾任何對手。至於維拉今季多線作戰下，戰績並未大幅走樣，甚至在歐冠屢創驚喜，不過近五戰僅錄兩勝兩和一負，敗仗正是日前主場被水晶宮擊敗無緣繼續聯賽
聽聽聽聽巴塞強勢“賓”勝利
聽聽聽聽西甲榜首的巴塞羅那今晚主場鬥愛斯賓奴。巴塞各項賽事五連勝勇不可擋，面對實力、狀態遜一籌的愛奴，加泰羅尼亞地區打吡勢大勝而回。
聽聽聽聽巴塞早前爆冷不敵奧沙辛拿後強勢反彈各項賽事五連勝，包括上輪國家打吡作客四球炒皇馬，期間入廿一球失兩球攻守超班，暫六分領放皇馬高踞榜首。前鋒利雲度斯基狂轟十四球，在射手榜一騎絕塵。拉菲拿亦斬獲六球腳風不俗，配合耶馬、托里斯、盧比斯等，教練費歷克可用人腳選擇足。中後場迪莊、加維、古迪等同樣實力強橫，面對聯賽排尾四、近六輪一勝五
曼聯經歷8戰得1勝的低潮後解僱執教兩年多的坦哈格，新任教頭艾摩廉11日到任前會繼續執教士砵亭，剛領軍豪取葡超開季10連勝的艾摩廉賽後透露，他也希望季尾才離開士砵亭，但被曼聯方面告知「一是現在（接手），一是不再（有機會），我得三天做決定……我不希望做出令自己後悔的決定。」坦哈格則首度開腔稱，感謝曼聯上下和球迷的支持，讓他感受到奧脫福美妙的氛圍，並祝願球隊可成就「獎盃與榮耀」。日前聯賽盃首次以暫代主帥身份出戰的曼聯名宿雲尼斯達萊帶領「紅魔」大勝李斯特城5：2晉級8強，「雲佬」希望接下來三場比賽曼