獅吼開齋後士氣大振，今仗必定主攻、乘勝追擊。
大年初三下午有澳職上演，布里斯班獅吼主場對西悉尼流浪者。獅吼上場爆冷贏波開齋，信心大增，撞正有前冇後嘅西悉尼流浪者，隨時上演入球騷，捧3.5球大盤等收利是。（無綫myTV SUPER周五下午4時35分直播）文:法達斯維
流浪者作客例駁火
獅吼今季表現差勁，踢咗頭12輪聯賽都未嘗勝果，直到上輪作客FC悉尼，竟然爆冷贏4比3，終止5連敗之餘，亦終於打開勝利之門，士氣大振，必定想藉地利食住上。有名將桑馬達助陣嘅西悉尼流浪者，特點係客強主弱，單計近4場作客錄得3勝1和，同主場3連敗相比，可見客場特別醒神，今場一定搏盡。睇番兩軍近4次碰頭，就有3次開4球或以上，預計大家會鬥攻，實多波入，3.5球大盤咪錯過。