日皇盃決賽今日爆發！大阪飛腳同神戶勝利船兩支關西球隊進行爭霸。神戶勝利船目前喺日職、日皇盃同亞冠盃3線進發，不過表現未受密集賽程影響，近5場賽事有4勝1和，前鋒宮代大聖近5場入5球狀態巔峰，今場爭取自2019年後再奪日皇盃，捧2.5球大盤啱數。（Now 711周六下午1時直播）
射手坂本一彩腳風順
大阪飛腳近況同樣出色，近5場比賽法定時間3勝2和，而且火力相當驚人，對上3仗攻入10球，坂本一彩佔當中4球，包括上仗協助飛腳4比3絕殺磐田山葉。大阪飛腳喺聯賽排第4位，要爭取下屆亞洲賽參賽資格，最直接就係拎日皇盃冠軍，今仗會盡地一煲。兩軍都擁有強大火力，近5次交手有4次總入球開3球或以上，今場決賽開2.5球入球大機會極高。文:工廠仔