近期唔少強隊都錄得連敗，上星期就幾乎英超三強都輸波，最終只有連勝中的利物浦反勝成功，其餘曼城同阿仙奴皆輸波，唔少人都會用「假波」去解釋。不過，呢啲情況其實唔算多，有證據先好講，反而以往巴塞、皇馬同時強勢的年代就唔少同周失分的情況，近季則少咗好多。
講番曼城同阿仙奴，其實本身已經係勇勢斷纜，曼城今季只有頭三輪聯賽贏對手多過一球，連敗並唔意外。阿仙奴幾乎同理，其實已經好好彩失分算比預計少，因為沙卡仔受傷之時，遇上唔難的賽程。總而言之，賭馬都一樣係咁，勇馬斷纜就莫追，足球也好特別，啲「連勝N場」，「N場不敗」，一斷好多時唔止一場。
祖記大將復出值得信賴
今周都靈打吡，本身投注上唔太喜歡祖雲達斯，但今場就唔係好一樣，祖雲達斯表現不算太好，不過，最重要係對手差，自從拖連奴的杜雲沙柏達重傷後，就開始連敗，追住其對家嚟買到斷纜為止。
祖記今季表現唔算穩定，而不穩原因在於傷兵集中在主力，近兩場有大將高柏美拿斯復出就應該會好好多，這名從阿特蘭大過檔的荷蘭人，其前場逼搶和帶動隊友的能力無出其右，沒有他的話，祖記表現可以差好遠。今場要贏拖連奴兩粒應該無乜問題。馬高